Լիմֆադենոպաթիա
Կրթական նպատակներ
Դասախոսության արդյունքում մասնակիցները պետք է կարողանան`
- Նկարագրել մանկական տարիքում լիմֆադենոպաթիայի տարբերակիչ ախտորոշումը
- Տարբերակել լիմֆադենոպաթիայի բարորակ և չարորակ պատճառները
- Կազմել լիմֆադենոպաթիայով երեխայի ախտորոշման մարտավարություն
Թիրախային լսարան
Դասընթացը նախատեսված է մանկաբույժների, ընտանեկան բժիշկների արյունաբանների և ուռուցքաբանների համար։
Դասընթացի նկարագրություն
Լիմֆադենոպաթիան երեխաների մոտ հաճախ հանդիպող երևույթ է, որի պատճառը հիմնականում վարակներն են։ Այնուամենայնիվ պատաճառները բազմաթիվ են, հազվադեպ հնարավոր է նաև ավելի լուրջ խնդիրներ հանդիսանան պատճառ․ ինչպիսին են օրինակ չարորակ հիվանդությունները։ Բժիշկները պետք է իմանան լիմֆատիկ հանգույցների մեծացում առաջացնող թե վարակային, թե ոչ վարակային պատճառները։ Այս բաժնում մենք կանդրադառնանք լիմֆադենոպաթիայի հաճախ և հազվադեպ հանդիպող պատճառներին, ինչպես նաև անհանգստացնող ախտանշաններին, որոնց դեպքում հարկավոր է ընդլայնել ախտորոշման շրջանակները։
Գիտելիքի գնահատում և ՇՄԶ կրեդիտների շնորհում
Այս դասընթացը Հայաստանում դեռևս ՇՄԶ կրեդիտավորված չէ։ Այս պահին Ձեզ չի տրամադրվի վկայական, նույնիսկ եթե հաջողությամբ հանձնեք էջի վերջում տեղադրված ՇՄԶ թեստը։
Բժ․ Ջամի Ստոք
Ջամի Ստոքը Լոս Անջելեսի Մանկական Հիվանդանոցի ավագ դասախոս(դոցենտ), Հարավային Կալիֆոռնիայի համալսարան։ Նա անցել է մանկաբուժության կլինիկական օրդինատուրա և նեղ մասնագիտական կրթություն (ֆելոշիփ) է ստացել մանկական արյունաբանություն/ուռուցքաբանություն մասնագիտությամբ Սիեթլի մանկական հիվանդանոցում, Վաշինգտոնի համալսարան։ Քաղցկեղի և Արյան Հիվանդությունների Ինստիտուտում լեյկեմիաների և լիմֆոմաների բժիշկ է։ Որպես երիտասարդ հետազոտող աշխատում է երեխաների ուռուցքաբանության խմբի ոչ Հոջկինյան լիմֆոմայի կոմիտեում, հազվադեպ լիմֆոմաների խումբ։ Այժմ մանկական արյունաբանության/ուռուցքաբանության նեղ մասնագիտական կրթության և բժշկական կրթության տնօրենն է Քաղցկեղի և Արյան Հիվանդությունների Ինստիտուտում։ Գիտական հետաքրքրությունների շրջանակը ներառում է լեյկեմիաների, լիմֆոմաների կլինիկական հետազոտությունները և հետազոտական աշխատանքներ բժշկական կրթության ոլորտում, փորձելով ներառել նաև հետադարձ կապը, ուսումնական ծրագրի կազմումը, առողջության խթանումը և պրոֆեսիոնալիզմի ու առաջնորդության դասընթացները։
