Անհետաձգելի բժշկական օգնություն

Oրդինատուրայի այս ծրագիրը ստեղծվել է Հայաստանի Առողջապահության ազգային ինստիտուտի և Յեյլի բժշկական համալսարանի Անհետաձգելի բժշկական օգնության բաժանմունքի համագործակցության արդյունքում։ Իր տեսակով այն անհետաձգելի բժշկական օգնության օրդինատուրայի առաջին ծրագիրն է Հայաստանում։ Ծրագրի շրջանակներում իրականացվում է 18-ամսյա արագացված դասընթաց Հայաստանում անհետաձգելի բժշկական օգնության բժիշկների անդրանիկ խմբին վերապատրաստելու համար: Այս բժիշկներն իրենց առաջին մասնագիտացմամբ արդեն անցել են օրդինատուրայի ծրագիր և ներկայումս սովորում են են անհետաձգելի բժշկական օգնության օրդինատուրայում՝ տարբեր հիվանդանոցներում և շտապօգնության ծառայություններում: Ուսումնական ծրագիրը համապատասխանում է Եվրոպական միության անհետաձգելի բժշկական օգնության (EUSEM) կողմից սահմանված խիստ չափանիշներին: