Փոդքասթ - Արյուն կղանքում
Կրթական նպատակներ
Փոդքասթը լսելու արդյունքում մասնագետները կկարողանան`
- Հասկանալ երեխաների մոտ հեմատոշեզիայի դիֆերենցիալ ախտորոշումը
- Սովորել հեմատոշեզիայի առավել տարածված պատճառների նախնական քննությունը
- Հասկանալ երեխաների մոտ հանդիպող հեմատոշեզիայի դեպքերը գաստրոէնտերոլոգիական նեղ մասնագետներին ուղղորդելու չափանիշները
Թիրախային լսարան
Այս առցանց դասընթացը նախատեսված է մանկաբույժների, ընտանեկան բժիշկների և մանկական գաստրոէնտերոլոգների համար։
Դասընթացի նկարագրություն
Այս դրվագում դոկտոր Էյալ Բեն-Այզեքին միանում է դոկտոր Փրաշանթի Կանդավելը՝ Լոս Անջելեսի Մանկական հիվանդանոցի մանկական գաստրոէնտերոլոգը, նորածինների և փոքր երեխաների մոտ հեմատոշեզիայի (արյունային կղանքի) համապարփակ վերհուշ տրամադրելու համար: Նրանք քննարկում են այնպիսի տարածված պատճառներ, ինչպիսիք են հետանցքային ճաքերը, սննդային սպիտակուցով հարուցված ալերգիկ պրոկտոկոլիտը, սննդային սպիտակուցով հարուցված էնտերոկոլիտի համախտանիշը (FPIES), վարակային կոլիտը, մանկական պոլիպները, Մեկելի դիվերտիկուլը և բորբոքային աղիքային հիվանդությունը (IBD): Զրույցը ներառում է ուղեցույցներ ախտորոշման, բուժման և մասնագետին դիմելու ժամանակի վերաբերյալ: Դոկտոր Կանդավելը շեշտում է կլինիկական պատմության, սննդային փոփոխությունների և այս վիճակների կառավարման համար համապատասխան թեստավորման կարևորությունը:
Գիտելիքի գնահատում և ՇՄԶ կրեդիտների շնորհում
Այս դասընթացը Հայաստանում դեռևս ՇՄԶ կրեդիտավորված չէ։ Այս պահին Ձեզ չի տրամադրվի վկայական, նույնիսկ եթե հաջողությամբ հանձնեք էջի վերջում տեղադրված ՇՄԶ թեստը։
Բժ․ Փրաշանթի Կանդավելը
Դոկտոր Փրաշանթի Կանդավելը մանկական գաստրոէնտերոլոգ է և Որակի բարելավման առաջատար Լոս Անջելեսի Մանկական հիվանդանոցի Գաստրոէնտերոլոգիայի բաժանմունքում: Նա ծառայում է որպես Մանկաբուժության կլինիկական պրոֆեսոր Հարավային Կալիֆորնիայի Համալսարանի Քեք բժշկական դպրոցում: Դոկտոր Կանդավելը ստացել է իր բժշկական կրթությունը Ռոզալինդ Ֆրանկլինի համալսարանում, որից հետո անցել է մանկաբուժական ռեզիդենտուրա և մասնագիտացում Մանկական գաստրոէնտերոլոգիայի, հեպատոլոգիայի և սնուցման ոլորտում Միչիգանի համալսարանում: Նա հավաստագրված է Մանկաբուժության ոլորտում Ամերիկյան Մանկաբուժության խորհրդի կողմից:
