Սննդային քմահաճություն
Կրթական նպատակներ
Դասընթացի ավարտին մասնակիցները պետք է կարողանան՝
- Հասկանալ տարբերությունը պարզապես քմահաճ և կերակրման խնդիրներ ունեցող երեխաների միջև մանկաբուժության համատեքստում
- Դուրս բերել սննդանյութերի պակասի ամենատարածված տեսակները կերակրման խնդիր ունեցող երեխաների շրջանում
- Նկարագրել, թե կերակրման հմտությունների հետ կապված գործոններն ինչպես են ազդում երեխայի կերակրման ու սնման փորձի վրա
- Կիրառել տարբեր ռազմավարություններ՝ աջակցելու կերակրման բարդ խնդիրներ ունեցող երեխաներին և նրանց ընտանիքներին
Թիրախային լսարան
Դասընթացը նախատեսված է մանկաբույժների և ընտանեկան բժիշկների համար։
Դասընթացի նկարագրություն
Սննդային քմահաճությունը տարածված խնդիր է ծնողների համար. ամբողջ աշխարհում երեխաների 20-30%-ը քմահաճ է ուտելիքի նկատմամբ։ Որոշ դեպքերում դա կարող է ինքն իրեն անցնել, բայց հաճախ լուրջ խնդրի է վերածվում։ Կերակրման խնդիր ունեցող երեխաները բարդ մարտահրավերների առաջ են կանգնեցնում, որոնք ազդում են երեխայի սնուցման, աճի ու զարգացման վրա։ Այս պրեզենտացիայով կանդրադառնանք սննդանյութերի պակասի ամենից տարածված տեսակներին և կերակրման հմտությունների հետ կապցած գործոններին, որոնք ազդում են երեխայի կերակրման խնդիրների վրա, ինչպես նաև կառաջարկենք ռազմավարություններ՝ աջակցելու կերակրման բարդ խնդիրներ ունեցող երեխաներին և մեծացնելու ընդունվող սննդի ծավալներն ու բազմազանությունը։
Գիտելիքի գնահատում և ՇՄԶ կրեդիտների շնորհում
Այս էպիզոդից Հայաստանում ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ Առողջապահության նախարարությանը և Ձեզ կտրամադրվի համապատասխան վկայական։
Բժ․ Ջեննա Կոբարա
Ջեննա Կոբարան լիցենզավորված օկուպացիոն թեևապևտ է, ներկայումս Կլինիկական օկուպացիոն թերապիայի դոցենտ Հարավային Կալիֆորնիայի համալսարանի Զարգացման խանգարումների առաջատար փորձի կենտրոնում (UCEDD), որ գտնվում է Լոս Անջելեսի մանկական հիվանդանոցում։ UCEDD-ում նա աշխատում է որպես օկուպացիոն թերապևտ Կերկրման կլինիկայում, ինչպես նաև Վաղ տարիքում երեխաների հետազոտման կլինիկայում, որտեղ վերստուգիչ ախտորոշում են իրականացնում 3-5 տարեկան երեխաների շրջանում։ Նա օկուպացիոն թերապևտի մագիստրոսի կոչում է ստացել Հարավային Կալիֆորնիայի համալսարանում (USC) և նույն համալսարանում ավարտել դոկտորանտուրայի ծրագիրը։ Նրա աշխատանքի թեման եղել է Գանայի համայնքային վերականգնողական ծրագրի և Գանայի օկուպացիոն թերապիայի միջև միջմասնագիտական համագործակցության խրախուսումը։ Ջեննան ֆիզիկական հաշմանդամություն և զարգացման հապաղում ունեցող երեխաների հետ մանկաբուժական աշխատանքի երկար տարիների փորձ ունի։ Նա հաջողությամբ հանձնել է Պրաքսիսի զգայական ինտեգրման թեստը (SIPT) և անցել ընդլայնված պրակտիկայի հավաստագրում կլման ակտի հետազոտման, գնահատման և միջամտությունների ոլորտում։ Ջեննան մեծ խանդավառությամբ է աշխատում երեխաների ու նրանց ընտանիքների հետ և ձգտում է տրամադրել մշակութային առումով ճկուն թերապևտիկ ծառայություններ։
Անետ Պիրիջանյան, մագիստրոս, սննդաբան
Անետ Պիրիջանյանը ամբուլատոր կլինիկական սննդաբան է Լոս Անջելեսի մանկական հիվանդանոցում (CHLA)։ Նա հիմնականում զբաղվում է սննդակարգի մշակմամբ և ճարպակալության բուժմամբ։ Նա նաև իրականացնում է համայնքային միջոցառումների և հիվանդանոցի քաղաքականության վերահսկողություն, որի նպատակն է ապահովել առողջ պարենային միջավայր և սննդի հասանելիություն CHLA-ում։ Անետի հետաքրքրվածությունը սննդաբանությամբ, արդար առողջապահությամբ, նվիրումը համայնքի զարգացմանը և մանկաբուժության հանդեպ ունեցած սերը նպաստել են, որ նա շուրջ 9 տարի աշխատի CHLA-ում։ Նա սոցիոլոգիայի բակալավրի կոչում է ստացել Իրվայնի Կալիֆորնիայի համալսարանում, որտեղ նաև ուսումնասիրել է կենսաբանություն, և սննդաբան-դիետոլոգի մագիստրոսի կոչում ստացել Նորթրիջի Կալիֆորնիայի պետական համալսարանում։ Դիետոլոգի պրակտիկայի ընթացքում նաև մասնակցել է CHLA-ի «Առաջնորդության ուսուցում նյարդային զարգացման հաշմանդամության դեպքում» վերապատրաստման դասընթացին։ Ներկայումս Անետը Կալիֆորնիայի սննդաբանության և դիետոլոգիայի ակադեմիայի (CAND) հանրային կապերի գծով փոխնախագահն է։ Նա անդամակցում է Լոս Անջելեսի Սննդի հասանելիության ղեկավար հանձնաժողովին և համանախագահում AUCD-ի Սննդի հարցերով հատուկ խմբին։
