Մետաբոլիկ դիսֆունկցիայով պայմանավորված լյարդի ճարպային հիվանդություն

Թիրախային լսարան

Դասընթացը նախատեսված է մանկաբույժների, ընտանեկան բժիշկների, էնդոկրինոլոգների և գաստրոէնտերոլոգների համար։

Դասընթացի նկարագրություն

Այս առցանց դասընթացը ներկայացնում է մետաբոլիկ դիսֆունկցիայով պայմանավորված լյարդի ճարպային հիվանդության (MASLD) համապարփակ ակնարկ։ MASLD-ն երեխաների մոտ ամենահաճախ հանդիպող լյարդի հիվանդությունն է, որի տարածվածությունը աշխարհում շարունակ աճում է։ Հիվանդությունը նախկինում հայտնի էր որպես լյարդի ոչ ալկոհոլային ճարպային հիվանդություն (NAFLD), սակայն նոր անվանումը համապատասխանում է պաթոֆիզիոլոգիայի ժամանակակից պատկերացումներին և վերացնում է հին տերմինաբանության բացասական ընկալումը։ Դասընթացում քննարկվում են էպիդեմիոլոգիական տվյալները, սկրինինգի և ախտորոշման ժամանակակից մեթոդները, մասնավորապես՝ ՄՌՏ էլաստոգրաֆիայի և ՖիբրոՍկանի կիրառումը հիվանդության զարգացման գնահատման համար։ Ներկայացվում են բուժման տարբեր մոտեցումներ՝ կենսակերպի փոփոխություններից մինչև վիտամին E-ի օգտագործումը մետաբոլիկ դիսֆունկցիայով պայմանավորված մանկական ստեատոհեպատիտի դեպքում, ինչպես նաև նոր բուժական միջոցները, այդ թվում՝ GLP-1 ագոնիստները և ռեզմետիրոմը։ Դասընթացը շեշտում է բազմամասնագիտական մոտեցման, վաղ հայտնաբերման, անհատական ռիսկի գնահատման և երկարաժամկետ հսկողության կարևորությունը MASLD ունեցող երեխաների և դեռահասների բուժման արդյունքների բարելավման համար։

Գիտելիքի գնահատում և ՇՄԶ կրեդիտների շնորհում

Այս դասընթացը Հայաստանում դեռևս ՇՄԶ կրեդիտավորված չէ։ Այս պահին Ձեզ չի տրամադրվի վկայական, նույնիսկ եթե հաջողությամբ հանձնեք էջի վերջում տեղադրված ՇՄԶ թեստը։