Պատերազմ, տեղահանություն կամ տրավմա ապրած աշակերտներին դպրոցներում ինտեգրելու լավագույն պրակտիկաները
Կրթական նպատակներ
Այս պրեզենտացիայից հետո մասնակիցները կկարողանան՝
- Բացահայտել պատերազմի հետևանքով առաջացած տրավմայի և բռնի տեղահանման ենթարկված աշակերտների կրթության գլոբալ խոչընդոտները և հասկանալ, թե ինչպես են այդ խոչընդոտները ազդում աշակերտների ակադեմիական և հուզական բարեկեցության վրա
- Վերլուծել պատերազմի հետևանքով առաջացած տրավմայի և բռնի տեղահանման ենթարկված աշակերտների սոցիո-էմոցիոնալ և ակադեմիական բարդ կարիքները և մշակել ռազմավարություններ դասարաններում այդ աշակերտներին աջակցելու համար
- Տարբեր կրթական կարիքներ ունեցող աշակերտների համար կիրառել լավագույն փորձը (արդյունավետ միջամտություններ և հարմարեցումներ), որպեսզի վերջիններս ինտեգրվեն դպրոցական առօրյային, ինչպես նաև թե՛ դպրոցում, թե՛ դասարանում հաջողություններ ունենան
- Սովորեցնել աշակերտներին կիրառել քոփինգ ռազմավարություններ և աջակցել, որպեսզի նրանք կարողանան կառավարել տրավմայի և բռնի տեղահանման հուզական և հոգեբանական հետևանքները
- Խթանել, որպեսզի բոլոր աշակերտների համար ստեղծվի ներառական և աջակցող ուսումնական միջավայր ՝ հատուկ նշանակություն տալով այն հանգամանքին, որ նրանց մոտ կարեկցանքի, փոխըմբռնման և հարգանքի զգացողություն առաջանա տարբեր փորձությունների ենթարկվածների նկատմամբ
- Գնահատել տրավմաների և բռնի տեղահանման ենթարկված աշակերտներին միջամտություններ և աջակցություն ցուցաբերելու արդյունավետությունը և անհրաժեշտության դեպքում փոփոխել դասավանդման պրակտիկան՝ աշակերտների հաջողություններին նպաստելու համար
Թիրախային լսարան
Այս առցանց դասընթացը նախատեսված է ընտանեկան բժիշկների, հոգեբանների, կլինիկական հոգեբանների, ինչպես նաև առողջապահական այլ ծառայություններ մատուցողների և ոլորտի կազմակերպիչների համար:
Դասընթացի նկարագրություն
Այս առցանց դասընթացի մեջ ներառված են այն մարտահրավերները, որոնց բախվում են պատերազմի հետևանքով առաջացած տրավմաների և բռնի տեղահանման ենթարկված աշակերտները։ Այստեղ նկարագրված են կրթության գլոբալ այն խոչընդոտները, որոնք խանգարում են նրանց ակադեմիական առաջընթացին և հուզական բարեկեցությանը: Այսպիսի աշակերտների բարդ սոցիո-էմոցիոնալ և ակադեմիական կարիքների խորը վերլուծության միջոցով դասընթացն առաջարկում է արդյունավետ ռազմավարություններ՝ խթանելու դպրոցում նրանց ինտեգրմանը և աջակցությանը թե՛ դպրոցում, թե դասարանում: Մասնակիցները ձեռք կբերեն գործնական գիտելիքներ և հմտություններ այն մասին, թե ինչպես կարող են բացահայտել և լուծել այս աշակերտների հատուկ կարիքները, ներառյալ մշակել քոփինգ ռազմավարություններ և օժանդակ մեխանիզմներ, որոնք կարող են ներառվել նրանց ուսուցման գործընթացի մեջ։ Դասընթացի ավարտին մասնակիցները կզինվեն համապարփակ գործիքակազմով, որը թույլ կտա նրանց ստեղծել ներառական և աջակցող ուսումնական միջավայր բոլոր աշակերտների համար, հատկապես նրանց, ովքեր ստացել են տրավմաներ և ենթարկվել են բռնի տեղահանման։
Գիտելիքի գնահատում և ՇՄԶ կրեդիտների շնորհում
Այս էպիզոդից Հայաստանում ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ առողջապահության նախարարությանը և Ձեզ կտրամադրվի համապատասխան վկայական։
Նարինե Խեմիչյան, Psy.D.
Բժիշկ Նարինե Խեմիչյանը աշխատում է Գլենդելի միացյալ դպրոցական շրջանում որպես դպրոցի գլխավոր հոգեբան։ Նա ունի մագիստրոսի կոչում դպրոցներում հոգեբանության դասավանդման և դոկտորի կոչում կրթական հոգեբանության ոլորտներում: Վերջին 20 տարիների ընթացքում բժիշկ Խեմիչյանը աշխատել է որպես դպրոցի հոգեբան՝ հոգալով նախադպրոցականից մինչև քսաներկու տարեկան աշակերտների կրթական և հոգեկան առողջության կարիքները՝ մեծ հետաքրքրություն ցուցաբերելով դեռահասների հոգեբանության նկատմամբ: Նարինեն հետևողական է աշակերտների/ծնողների շահերի պաշտպանությանը և շատ փորձառու կերպով համախմբում է մարդկանց մեկ միասնական թիմում աշխատելու համար: Նա մասնագիտացված է սպառնալիքների գնահատման և ճգնաժամային միջամտության ոլորտներում և հատկապես մեծ հետաքրքություն ունի դպրոցի հոգեբաններին սովորեցնելու և հատուկ կարիքներ ունեցող դպրոցական թիմերին աջակցելու հարցում:
Ֆիմմի Հադդադյան, M.S.
Ֆիմմի Հադդադյանը 18 տարի շարունակ աշխատում է որպես դպրոցի պրակտիկ հոգեբան։ Նա աշխատել է Գլենդելի միացյալ դպրոցական շրջանում՝ մասնագիտանալով նախադպրոցական և միջին տարիքի երեխաների վրա։ Տիկին Հադդադյանը վաղ մանկության տարիքի երեխաների սոցիո-էմոցիոնալ ուսուցման փորձագետ է։ Նախադպրոցական տարիքի համար նա մշակել և իրականացրել է ապացույցների վրա հիմնված սոցիո-էմոցիոնալ ուսուցման ուսումնական ծրագիր: Տիկին Հադդադյանը հանդիսանում է Bluejack Kids-ի՝ սոցիո-էմոցիոնալ ուսուցման կենտրոնի համահիմնադիրը, որտեղ իրականացնում են տարատեսակ ստեղծագործական աշխատանքների միջոցով երեխաների սոցիո-էմոցիոնալ հմտությունները զարգացնող սեմինարներ և ծրագրեր: Բացի այդ, Ֆիմին «Zis Hankisd Tsketsek» հայալեզու մանկական գրքի հեղինակն է, որն ուղղված է բուլինգի երևույթին։
Թելմա Առաքելյան, M.A., Ed.S.
Թելմա Առաքելյանն ունի կրթական հոգեբանության մագիստրոսի, ինչպես նաև դպրոցի հոգեբանի մանկավարժական կոչում: Նա աշխատում է Գլենդելի միացյալ դպրոցական շրջանում որպես ավագ դպրոցի հոգեբան՝ դեռահաս երիտասարդներին տրամադրելով հոգեկան առողջության աջակցություն և հոգեկրթական գնահատումներ։ Նա գիտակցում է բարձր առաջադիմություն ունեցող, քոլեջների հետ կապակցված ավագ դպրոցներում սոցիալական և ակադեմիական ճնշումները և ձգտում է աջակցել աշակերտներին բավարարելու իրենց սոցիալական և էմոցիոնալ կարիքները: Ներկայումս նա ունի պրոֆեսիոնալ կլինիկական խորհրդատուի դոցենտի աստիճան և աշխատում է լիցենզավորված պրոֆեսիոնալ կլինիկական խորհրդատու դառնալու ուղղությամբ։ Նրա ամենամեծ հաջողություններից մեկը աշակերտներին՝ իրենց սոցիո-էմոցիոնալ ուսուցման ճանապարհին աջակցելն է:
