Փոդքասթ – Դաունի համախտանիշ

Թիրախային լսարան

Փոդքասթը նախատեսված է առաջնային օղակի մանկաբույժների և ընտանեկան բժիշկների համար:

Դասընթացի նկարագրություն

«Դաունի համախտանիշ» փոդքասթում անդրադարձ է կատարվում քրոմոսոմային քննությամբ ախտորոշված այս երեխաների առողջության հսկողությանը: Չնայած նրան, որ մանկաբույժի նախնական շփումը երեխայի հետ սովորաբար սկսվում է նեոնատալ/վաղ մանկության շրջանում, արդեն իսկ հղի կնոջը, ում նախածննդյան շրջանում դրվել է «Դաունի համախտանիշ» ախտորոշումը, երեխայի վիճակի մասին ժամանակ առ ժամանակ տեղեկատվություն և գենետիկական խորհրդատվություն է տրամադրվում: Հետևաբար, այս փոդքասթը առաջարկում է խորհուրդներ երեխաների առողջության հսկողությանը և նաև այս իրավիճակի համար: Հաշվի առնելով Դաունի համախտանիշի հանդիպման հաճախությունը, այս երեխաների բազմաթիվ շեղումները, խնդիրները, որը պայմանավորված է լրացուցիչ գենետիկ նյութի առկայությանմբ՝ 21-րդ քրոմոսոմի տրիսոմիայով, առողջության հսկողությունը և վաղ միջամտության կարևորությունը` տվյալ փոդքասթը կարևոր ինքնակրթության նյութ է, որի թիրախային լսարանը ոչ միայն առաջնային օղակի մանկաբույժներն են և բուժ. քույրերը, այլ նաև ընտանեկան բժիշկները, էնդոկրինոլոգները, ակնաբույժները, վերականգնողաբանները և այլ մանկական մասնագետները: Չնայած Դաուն համախտանիշի համար բուժում չկա, առողջության հսկողությունը և վաղ միջամտության ծառայությունները կարող են դրականորեն ազդել երեխայի զարգացման և սոցիալիզացիայի վրա:

Գիտելիքի գնահատում և ՇՄԶ կրեդիտների շնորհում

Այս էպիզոդից Հայաստանում ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ Առողջապահության նախարարությանը և Ձեզ կտրամադրվի համապատասխան վկայական։