Թերապևտիկ հոգեբանական առաջին օգնություն
Կրթական նպատակներ
Այս դասընթացի ավարտին մասնակիցները պետք է կարողանան՝
- Բացահայտել տրավմաների ենթարկվածների մոտ երկարատև տրավմաների ախտանիշների բարդությունն ու տևողությունը
- Որոշել, թե տրավմատիկ իրադարձություններին անմիջապես հաջորդող օրերին որքանով է տրավմայի նկատմամբ հուզական արձագանքը «հստակ» և «տիպիկ»
- Հասկանալ, թե ինչ է իրենից ենթադրում տրավմատիկ իրադարձություններին անմիջապես հաջորդող օրերին «առողջ» հուզական արձագանքը
- Սահմանել հոգեբանական առաջին օգնության հիմնական նպատակները
- Տարբերակել առաջնահերթ հիվանդին, ում պետք է հոգեբանական առաջին օգնություն ցույց տալ
- Բացատրել հոգեբանական առաջին օգնության հիմնական բաղադրիչները
- Հոգեբանական առաջին օգնություն ցույց տալու մեթոդները ընդհանրացնել բնակչության խոցելի խմբերի վրա
Թիրախային լսարան
Այս առցանց դասընթացը նախատեսված է մանկաբույժների, ընտանեկան բժիշկների, բուժքույրերի, հոգեկան առողջության պահպանման ծառայություն մատուցողների համար, ինչպես նաև առողջապահական այլ ծառայություններ մատուցողների և ոլորտի կազմակերպիչների համար:
Դասընթացի նկարագրություն
Այս դասընթացը ստեղծվել է Լոս Անջելեսի մանկական հիվանդանոցի (CHLA) և Հոգեկան առողջության հայկական նախաձեռնության (AMHI) համագործակցության արդյունքում։ Դասընթացը ստեղծվել է` հաշվի առնելով վերջին տարիներին Հայաստանում և Արցախում տիրող սոցիալ-քաղաքական իրավիճակը և մշակվել է` խթանելու Հայաստանում հոգեկան/վարքային առողջության պահպանման ոլորտի հետագա զարգացումն ու գիտելիքների ամրապնդումը։ Այս դասընթացը ցույց է տալիս սուր սթրեսային խանգարման պատճառները հասկանալու մեթոդները, թե ինչպես է այն ազդում մարդկանց տարբեր խմբերի վրա, ինչպես նաև տալիս է բուժման տարրերի և կառուցվածքի վերաբերյալ նորագույն առաջարկներ: Դասընթացի ուսուցումը ամրապնդելու նպատակով այստեղ ներառված են նաև գործնական ուղեցույցներ և պացիենտների դեպքերի ուսումնասիրություններ։
Գիտելիքի գնահատում և ՇՄԶ կրեդիտների շնորհում
Այս դասընթացը Հայաստանում դեռևս ՇՄԶ կրեդիտավորված չէ։ Այս պահին Ձեզ չի տրամադրվի վկայական, նույնիսկ եթե հաջողությամբ հանձնեք էջի վերջում տեղադրված ՇՄԶ թեստը։
Բժ. Վալենտինա Օգարյան, բ.գ.թ.
Լինելով կլինիկական հոգեբան՝ Վալենտինա Օգարյանը հոգեբանական աջակցություն է ցուցաբերում քաղցկեղով տառապող պացիենտներին և նրանց ընտանիքներին: Վալենտինան անմիջականորեն աշխատում է պացիենտների հետ Լոս Անջելեսի կալիֆոռնյան համալսարանի քաղցկեղի կլինիկաներում և Սիմմս/Մանն կենտրոնում: Նա տեղեկացնում է պացիենտներին և վերջիններիս մտերիմներին առկա ռեսուրսների և հնարավորությունների մասին, ինչպես նաև օգնում է նրանց ստանալ համապատասխան բուժում: Որպես լրացուցիչ աշխատանք՝ նա նաև դասավանդում է համալսարանի հոգեբանության և սոցիոլոգիայի բաժիններում սովորող ոսանողներին։
Բժ. Երազ Մարկարյան, բ.գ.թ.
Կլինիկական հոգեբան է, ով մասնագիտացված է տրամադրության խանգարումների և անհանգստության համախտանիշի բուժման ուղղությամբ: Ինտենսիվ ձևով վերապատրաստվելով դիալեկտիկ վարքագծային թերապիայի (DBT), ինչպես նաև կոգնիտիվ-վարքաբանական թերապիայի (CBT) ուղղություններով, նա իրականացնում է անհատական և խմբային բուժում տարեցների և երիտասարդ մեծահասակների համար՝ օգտագործելով այս ապացուցահեն պրակտիկաները: Նա ունի մասնագիտացված ոսուցում և հարուստ կլինիկական փորձ անհանգստության, ընկճախտի՝ դեպրեսիայի, սուիցիդալ վարքի, ինքնավնասման, տրավմայի, սնման խանգարումների, ինչպես նաև ուշադրության խանգարումների բուժման ոլորտում: Նա նաև կից դասախոս է Կոլումբիայի համալսարանի Ուսուցչական քոլեջում:
