Փոդքասթ - Հեմատուրիա
Կրթական նպատակներ
Փոդքասթը լսելու արդյունքում մասնագետները կկարողանան`
- Տարբերակել միկրոսկոպիկ և մակրոսկոպիկ հեմատուրիան և ճանաչել դրանց կլինիկական նշանակությունը երեխաների մոտ
- Բացահայտել երեխաների մոտ հեմատուրիայի ամենատարածված պատճառները, ներառյալ բարորակ և ախտաբանական ծագումները
- Նկարագրել մանկական հեմատուրիայի պատշաճ նախնական հետազոտությունը, ներառյալ անամնեզը, օբյեկտիվ զննումը և ախտորոշիչ թեստավորումը
- Բացատրել հիպերկալցիուրիայի դերը հեմատուրիայում և նկարագրել, թե ինչպես գնահատել և կառավարել այն
- Տարբերակել իրական հեմատուրիան և “արյուն– դրական” մեզի նմուշները, հետևաբար չհետազոտել առողջ երեխաներին
- Պատկերացում կազմել հեմատուրիայի հետ առընչվող վտանգի նշանների մասին, որի շնորհիվ և կատարել առավել նպատակային ուղղեգրումներ
- Լիարժեք պատկերացնել հիպերկալցիուրիայի բարձր հաճախականությունը և կարևորությունը մանկական հեմատուրիաների պատճառների շարքում
- Կարողանալ հեմատուրիա ունեցող երեխայի ծնողին բացատրել և մինիմալ ինֆորմացիա տալ հեմատուրիայի հնարավոր պատճառների մասին
Թիրախային լսարան
Այս առցանց դասընթացը նախատեսված է մանկաբույժների, ընտանեկան բժիշկների և մանկական նեֆրոլոգների համար։
Դասընթացի նկարագրություն
«Մանկաբուժության հեռանկարներ» փոդքասթի այս դրվագում Էյալ Բեն-Այզեքը զրուցում է Տարա Սարդեսայի հետ երեխաների մոտ հեմատուրիայի գնահատման և կառավարման վերաբերյալ։ Նրանք քննարկում են միկրոսկոպիկ և մակրոսկոպիկ հեմատուրիայի միջև տարբերությունները, հանդիպող տարածված պատճառները սպիտակուցամիզությամբ և առանց դրա, ինչպես նաև մանրակրկիտ անամնեզի հավաքագրման և թիրախավորված ախտորոշիչ հետազոտությունների կարևորությունը։ Դրվագում նաև ուսումնասիրվում են հիպերկալցիուրիան, երիկամային քարերը և մեզի գունափոխման ոչ երիկամային պատճառները՝ մանկաբույժներին առաջարկելով գործնական գիտելիքներ, թե ինչպես մոտենալ այս տարածված, սակայն հաճախ մտահոգիչ ախտանիշին։
Գիտելիքի գնահատում և ՇՄԶ կրեդիտների շնորհում
Այս դասընթացը Հայաստանում դեռևս ՇՄԶ կրեդիտավորված չէ։ Այս պահին Ձեզ չի տրամադրվի վկայական, նույնիսկ եթե հաջողությամբ հանձնեք էջի վերջում տեղադրված ՇՄԶ թեստը։
Բժ․ Տարա Սարդեսայ
Տարա Սարդեսայը բարձրակարգ կրթություն ունեցող մանկական նեֆրոլոգ է՝ հզոր ակադեմիական և կլինիկական հավաստագրերով: Կրթություն ստանալով առաջատար հաստատություններում, նա այժմ տրամադրում է մասնագիտական երիկամային և մանկաբուժական խնամք Լոս Անջելեսի Մանկական հիվանդանոցում, միաժամանակ զբաղվելով հետազոտություններով և կրթական գործունեությամբ: Նրա աշխատանքը ճանաչվել է ազգային գիտաժողովներում, արտացոլելով մանկական առողջապահության զարգացման գործում նրա նվիրվածությունը:
Բժ․ Սոֆի Վալերիի Սարինյան
Սոֆի Վալերիի Սարինյան մանկական նեֆրոլոգ է, «Արաբկիր» Երեխաների և Դեռահասների Առողջության Ինստիտուտի նեֆրոլոգիական բաժանմունքի ղեկավար։ Ավարտել է Երևանի պետական բժշկական համալսարանի Ընդհանուր բժշկության ֆակուլտետը, այնուհետև անցել է օրդինատուրա ընդհանուր մանկաբուժության և մանկական նեֆրոլոգիայի մասնագիտություններով։ 2012–2018 թվականներին դասավանդել է ԵՊԲՀ- «Մանկաբուժություն» ամբիոնում՝ որպես ասիստենտ՝ համատեղելով մանկական նեֆրոլոգի կլինիկական գործունեության հետ։ Դոկտոր Սարինյանը մասնագիտացված վերապատրաստումներ է անցել Բելգիայի, Շվեյցարիայի, Գերմանիայի, Ավստրիայի և Իսպանիայի առաջատար համալսարանական կենտրոններում, ինչպես նաև մասնակցել է մանկական նեֆրոլոգիայի միջազգային կրթական ծրագրերի և գիտաժողովների։ 2021 թվականին աշխատել է որպես մանկական նեֆրոլոգ Գերմանիայի Կոբուրգի համալսարանական մանկական կլինիկայում։ Նրա մասնագիտական հետաքրքրությունների հիմնական ուղղություններն են մանկական երիկամային հիվանդությունների ախտորոշումն ու բուժումը, քրոնիկական երիկամային հիվանդությունների վարումը և մանկական նեֆրոլոգիայի ժամանակակից կլինիկական մոտեցումների ներդրումը։ Տիրապետում է հայերեն, ռուսերեն, անգլերեն և գերմաներեն լեզուներին։
