Մասնագիտական զարգացման միջազգային կենտրոնը (ICPD) և Լոս Անջելեսի մանկական հիվանդանոցը (CHLA) ողջունում են Ձեզ և հրավիրում Ալերգոլոգիա և իմունոլոգիա Հայաստանի միջազգային հիբրիդային սիմպոզիումին, որը մեծահոգաբար հովանավորվում է Կլեմենս ֆոն Պիրկե հիմնադրամի կողմից: Ոգևորված ենք, որ ցանկություն ունեք մասնակցելու այս միջոցառմանը, որը նվիրված է ալերգիայի և իմունոլոգիայի վերաբերյալ գիտելիքների և պրակտիկայի առաջխաղացմանը համաշխարհային մասշտաբով:
Ուրախ ենք տեղեկացնել, որ սիմպոզիումին անձամբ ներկա են գտնվելու նախագահը ԱՄՆ-ից, համանախագահները Շվեյցարիայից և Հայաստանից, ինչպես նաև Եվրոպայից երկու ականավոր բանախոսներ, ովքեր կներկայացնեն իրենց փորձը և կկիսվեն գիտելիքներով մասնագիտական քննարկումների ժամանակ: Սիմպոզիումը տեղի կունենա 2024 թվականի մայիսի 17-ին և 18-ին։
Սիմպոզիումի նպատակն է համախմբել տարբեր լսարանների, այդ թվում՝ ալերգոլոգներ, իմունոլոգներ, ընտանեկան բժիշկներ, մանկաբույժներ, վարակաբաններ, մաշկաբաններ, թոքաբաններ, անեսթեզիոլոգներ, ինտենսիվ թերապիայի և անհետաձգելի բժշկության մասնագետներ` արտացոլելով մեր ոլորտի համագործակցային բնույթը: Սիմպոզիումն անցկացվելու է հիբրիդային ձևաչափով։ Մասնակիցները հնարավորություն ունեն միանալու մեզ կամ անձամբ՝ «Հոլիդեյ Ին» հյուրանոցի կոնֆերանսների դահլիճում՝ Երևանի
Հանրապետության հրապարակ, կամ վիրտուալ՝ «Զում» հարթակի միջոցով: Գրանցումը պարտադիր է ինչպես անձամբ, այնպես էլ առցանց մասնակցության համար: Անձնական մասնակցությունը սահմանափակվում է առավելագույնը 120 անձի համար: Այս սահմանաչափը հասնելուց հետո հասանելի կլինի միայն առցանց գրանցումը:
Շտապեք գրանցվել;