Ժամանակին և վաղաժամ ծնված նորածինների խնամքը
Կրթական նպատակներ
Այս դասընթացի ավարտին մասնակիցները պետք է կարողանան.
- Նկարագրել, թե նորածինների դեպքում հետազոտոությունների ինչպիսի արդյունքներն են համարվում նորմալ
- Նկարագրել նորածինների մոտ այն անոմալիաները, որոնք կարիք ունեն հետագա գնահատման
- Ձևակերպել նորածինների չափից ավելի շատ լացի դիֆերենցիալ ախտորոշումը
- Վերանայել նորածնային կոլիկայի սահմանումն ու առաջարկվող էթիոլոգիան
- Քննարկել նորածնայի կոլիկայի ընդհանուր բուժման ներկայիս ապացույցները
- Ամբողջական վերանայել նորածինների հնարավոր առողջական խնդիրների հետագա գնահատման համակարգը
- Հասկանալ, թե ինչ լրացուցիչ սքրինինգներ են անհրաժեշտ վաղաժամ ծնված նորածինների դեպքում
- Քննարկել վաղաժամ ծնված երեխայի աճի և սնվելու յուրահատկությունները:
Թիրախային լսարան
Այս առցանց դասընթացը նախատեսված է մանկաբույժների, ընտանեկան բժիշկների, գինեկոլոգների, ներզատաբանների, նյարդաբանների, ինչպես նաև առողջապահական այլ ծառայություններ մատուցողների և ոլորտի կազմակերպիչների համար:
Դասընթացի նկարագրություն
Այս դասընթացի շրջանակներում կծանոթանաք նորածնի զննման հիմունքներին, կտեղեկանաք, թե որ դեպքում են զննման արդյունքները նորմալ և որ դեպքում են դրանք համարվում անոմալիաներ, կտեղեկանաք նորածնային լացի և կոլիկաների մասին, ինչպես նաև կծանոթանաք, թե ինչ հատուկ նկատառումներ կան վաղաժամ ծնված երեխայի խնամքի վերաբերյալ:
Գիտելիքի գնահատում և ՇՄԶ կրեդիտների շնորհում
ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ առողջապահության նախարարությանը և Ձեզ կտրամադրվի համապատասխան վկայական։
Բժ. Քրիստինե Միրզայան
Բժիշկ Քրիստին Բոթրել Միրզայանը, (MPH, IBCLC, FAAP) հանդիսանում է Հարավային Կալիֆոռնիայի համալսարանի Կեկի բժշկական դպրոցի կլինիկական մանկաբուժության դոցենտ, ինչպես նաև Լոս Անջելեսի մանկական հիվանդանոցում աշխատում է որպես մանկաբույժ։ Նա իր բակալավրի աստիճանը ստացել է Կալիֆոռնիայի Համալսարանում (Սան Ֆրանցիսկո), իսկ հանրային առողջության մագիստրոսի կոչումը ստացել է Հարվարդի հանրային առողջության դպրոցում։ Բժիշկ Միրզայանը մանկաբուժության օրդինատուրան ավարտել է Լոս Անջելեսի մանկական հիվանդանոցում և շարունակել աշխատել պրոֆեսորադասախոսական կազմում։ Այժմ նա հանդիսանում է Լոս Անջելեսի մանկական հիվանդանոցի AltaMed ընդհանուր մանկաբուժական կլինիկայի նորածնային ծառայությունների տնօրենը։ Նա լակտացիայի կլինիկայում աջակցում է մայրերին և նորածիններին որպես միջազգային խորհրդի կողմից հավաստագրված լակտացիայի խորհրդատու (IBCLC) և «Նորածինների հետագա զարգացում» ծրագրի շրջանակներում օգնություն է ցուցաբերում վաղաժամ, հետևաբար ռիսկային խմբում գտնվող նորածինների զարգացմանն աջակցելու համար:
