Փոդքասթ - Ապացուցահեն բժշկություն

Թիրախային լսարան

Այս առցանց դասընթացը նախատեսված է մանկաբույժների, ընտանեկան բժիշկների, բուժքույրերի, ինչպես նաև առողջապահական այլ ծառայություններ մատուցողների և ոլորտի կազմակերպիչների համար:

Դասընթացի նկարագրություն

Այս փոդքասթի առաջին հատվածում ներկայացված է բժշկի, բուժքրոջ և գրադարանավարի զրույցը: Նրանք ներկայացնում են, թե որն է ապացուցահեն բժշկության սահմանումը, և թե ինչպես է այն կիրառվում բժիշկների առօրյա պրակտիկայում: Մասնագետներից յուրաքանչյուրը կիսվում է կոնկրետ դեպքի ուսումնասիրությամբ, որտեղ հատկապես կարևորվում է ապացուցահեն բժշկության կիրառումն ու այն ազդեցությունը, որը այն կարող է ունենալ պացիենտների և վերջիններիս ընտանիքների վրա: Փոդքասթում ներկայացված է նաև ապացուցահեն բժշկության որոշ աղբյուրներ, որոնք առավել կիրառելի են։
Զրույցի երկրորդ հատվածում ՀՀ առողջապահության նախարարության խորհրդատու մանկաբուժության գծով, Արաբկիր ԲՀ «Երեխաների և դեռահասների առողջության ինստիտուտ» -ի ղեկավար Սերգեյ Սարգսյանը ներկայացնում է Հայաստանում գործող բուժօգնության մոդելները՝ համադրելով դրանք տարածաշրջանում գործող մոդելներին, ներկայացնում կրթական ծրագրերը, Հայաստանում մասնագետներին հասանելի ռեսուրսները, եվրոպական եւ ամերիկյան երկրների հետ մասնագետների հետ փորձի փոխանակման հնարավորությունները: Փոդքասթում ներկայացվում են այն գործոնները, որոնք ազդում են առողջապահական ծառայությունների որակի ապահովման վրա, կատարվում է պատմական ակնարկ, թե ինչպես են տեղի ունեցել ոլորտի զարգացումները վերջին 10-ամյակների ընթացքում, կարեւորվում է բժիշկների կողմից համապատասխան աղբյուրների կիրառման նշանակությունը:

Գիտելիքի գնահատում և ՇՄԶ կրեդիտների շնորհում

Այս էպիզոդից Հայաստանում ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ Առողջապահության նախարարությանը և Ձեզ կտրամադրվի համապատասխան վկայական։