Փոդքասթ - Հիպոկալցիեմիա
Կրթական նպատակներ
Դասընթացի ավարտին մասնակիցները կկարողանան․
- Նկարագրել կալցիումի հոմեոստազը
- Բնորոշել հիպոկալցիեմիան և դրա կարևորությունը մանկական հասակում
- Անդրադարձ կատարել ծագումնաբանությանը, գնահատմանը և վարմանը
- Տարբերակել բուժման մոտեցումները սուր սիմպտոմատիկ և քրոնիկ ասիմպտոմատիկ հիպոկալցիեմիաների դեպքում
Թիրախային լսարան
Այս առցանց դասընթացը նախատեսված է մանկաբույժների, ընտանեկան բժիշկների, մանկական օրթոպեդների համար:
Դասընթացի նկարագրություն
Այս էպիզոդում բժիշկ Էյալ Բեն Այզեքը զրուցում է մանկական հասակի հիպոկալցիեմիայի մասին Լոս Անջելեսի մանկական հիվանդանոցի մանկական ներզատաբան և Ոսկրերի և միներալային նյութափոխանակության խանգարումների ծրագրի բժշկական տնօրեն Աննա Ռյաբեց-Լայենհարդի հետ։ Նրանք անդրադարձ են կատարում կալցիումի հոմեոստազի ֆիզիոլոգիային, տարբեր տարիքային խմբերում հիպոկալցիեմիայի տարաբնույթ պատճառներին և կլինիկական դրսևորումներին, ախտորոշման և բուժման գործնական մոտեցումներին։ Զրույցը ընդգծում է պարաթիրեոիդ հորմոնի, վիտամին Դ-ի, մագնեզիումի և ֆոսֆորի դերը, տրամադրելով կարևոր կլինիկական խորհուրդներ էնդոկրին անհետաձգելի վիճակները ճանաչելու, լաբորատոր տվյալները վերլուծելու և ժամանակին և արդյունավետ բուժման նպատակով՝ սուր սիմպտոմատիկ հիպոկալցիեմիան քրոնիկ վիճակներից տարբերակելու մասին։
Գիտելիքի գնահատում և ՇՄԶ կրեդիտների շնորհում
Այս էպիզոդից Հայաստանում ՇՄԶ կրեդիտ ստանալու համար անհրաժեշտ է հաջողությամբ հանձնել էջի վերջում տեղադրված ՇՄԶ թեստը: Անցողիկ 70% հավաքելու համար Ձեզ տրվում է 3 փորձի հնարավորություն: Թեստը հաջողությամբ հանձնելու դեպքում մենք կրեդիտների հետ կապված անհրաժեշտ ողջ ինֆորմացիան կտրամադրենք ՀՀ Առողջապահության նախարարությանը և Ձեզ կտրամադրվի համապատասխան վկայական։
Բժ. Աննա Ռյաբեց-Լիենհարդ
Բժ․ Աննա Ռյաբեց-Լիենհարդը Լոս Անջելեսի մանկական հիվանդանոցի (CHLA) ներզատաբանության, շաքարախտի և նյութափոխանակության դեպարտամենտի մետաբոլիկ ոսկրերի և միներալների խախտումների ծրագրի բժշկական տնօրենն է և Հարավային Կալիֆորնիայի Կեկի բարձրագույն բժշկական դպրոցի կլինիկական մանկաբուժության դոցենտ։ Նա հանդիսանում է CHLA-ում խորհրդի կողմից հավաստագրված մանկական ներզատաբան և թերապևտ։ Բժիշկ Ռյաբեց-Լիենհարդն ավարտել է իր մանկաբուժական օրդինատուրան և ստացել մանկական ներզատաբանության կրթաթոշակը CHLA-ում: Նրա հետազոտությունները կենտրոնացած են մանկական առաջնային և երկրորդային օստեոպորոզի վրա, ինչպիսիք են անկատար օստեոգենեզը և գլյուկոկորտիկոիդով պայմանավորված օստեոպորոզը, ինչպես նաև ռախիտը և միներալների խախտումները: Նա բազմաթիվ կլինիկական փորձարկումների հեղինակ է, ինչպես նաև ռախիտի բնածին արատով հիվանդների մետաբոլիկ և օրթոպեդիկ հետեվանքների բազմամասնագիտական ուսումնասիրությունների համահեղինակ: Բժիշկ Ռյաբեց-Լիենհարդը հանդիսանում է Human Growth Foundation-ի տնօրենների խորհրդի անդամ, ինչպես նաև Մանկական էնդոկրին հասարակության թմրամիջոցների և թերապևտիկ կոմիտեի համանախագահ, ԱՄՆ:
