Մեր թվային հարթակը՝ LearnwithOPEN.org-ը, դարձել է գիտելիքի շտեմարան հայ ավելի քան 1,700 գրանցված օգտատերերի համար: Լոս Անջելեսի մանկական հիվանդանոցի հարգարժան պրոֆեսորադասախոսական կազմի, Մանկական բժիշկների հայկական ասոցիացիայի բժիշկների և Ամերիկահայ հոգեկան առողջության միության համագործակցության արդյունքում ստեղծված հարթակում ներկայացված են գրավիչ նյութեր, որոնք ընդգրկում են բժշկագիտության բազմաշերտ թեմաներ: Կիրառելով մոդուլային դասընթացներից մինչև փոդքասթեր՝ հայ բժիշկներին հնարավորություն ենք ստեղծում ծանոթանալու ոլորտի ամենավերջին զարգացումներին։

Նախորդ տարի Հայաստանում ավելի քան 1,100 բժիշկ մասնակցել է մեր համաժողովներին և հաջողությամբ անցել մեր դասընթացները՝ ստանալով բավական մեծ թվով շարունակական մասնագիտական զարգացման (ՇՄԶ) կրեդիտներ: Մենք հաստատակամ ենք մեր հանձնառությամբ՝ առաջ մղելու բժշկական կրթությունը, խթանելու Հայաստանում բժիշկների մասնագիտական աճը և նրանց համար ստեղծելու արժեքավոր կապերի հնարավորություններ։

«Ավետիս» ինֆորմատիկայի ծրագիրը բժիշկներին, ճարտարագետներին, բուժքույրերին և ՏՏ ոլորտի մասնագետներին տրամադրում է հիմնարար գիտելիք առողջապահական ինֆորմատիկայի ոլորտում։ Վերապատրաստելով այն մասնագետներին, ովքեր աշխատում են տվյալների վրա հիմնված առողջապահության համակարգում՝ մենք նպաստում ենք Հայաստանում բուժօգնության ծառայությունների առավել արդյունավետ տրամադրմանը:

Մեկնարկից ի վեր Հայկական ակնաբուժության նախագծի անհասության ռետինոպաթիայի ծրագիրը Լոս Անջելեսի մանկական հիվանդանոցի աջակցությամբ եւ ԱՄՆ Միջազգային զարգացման գործակալության հետ համագործակցությամբ իրականացրել է ավելի քան 32,000 սքրինինգ և շուրջ 500 հայ երեխայի բուժում՝ ողղված տեսողության պահպանմանը։ Մենք հավատարիմ ենք մնում ակնաբուժական մասնագիտացված խնամքին՝ յուրաքանչյուր երեխային տրամադրելով արժանի ուշադրություն:

Մեր կրթաթոշակային ծրագիրը բեկումնային ազդեցություն է ունեցել՝ օգտակար լինելով Հայաստանի առողջապահության ոլորտի համար։ Շրջանավարտները մշակել են այնպիսի նախաձեռնություններ, ինչպիսիք են տուբերկուլյոզի լաբորատոր տվյալների կառավարման հարթակը, որն ուղղված է խնայելու հարյուր հազարավոր դոլարներ, ինչպես նաև պացիենտներին Միջազգային նորմալացված գործակցի (INR) ստուգումների մասին հիշեցման ավտոմատացված համակարգը, ինչը հանգեցնում է պացիենտների ելքի բարելավմանը։

Հայաստանում մեր ունեցած ազդեցության հիմքում համագործակցությունն է։ Հայկական ակնաբուժության նախագծի (ՀԱՆ), ակադեմիական բարձրակարգ հաստատությունների և ակնաբուժական մասնագիտացված կլինիկաների հետ գործակցության միջոցով մենք իրականացրել ենք ավելի քան 22,000 հայ երեխաների ակնային սքրինինգ և արհեստական բանականության նորագույն տեխնոլոգիաներով տեղում կատարել նրանց տեսողության ախտորոշում: Այս փորձառության օգնությամբ ՀԱՆ-ը ԱՄՆ Միջազգային զարգացման գործակալության հետ մեկնարկել է մանկական սքրինինգի եւ բուժման նորարարական ծրագիր:

Հետազոտությունների և վերապատրաստումների հանդեպ մեր հատուկ ուշադրության արդյունքում տպագրվել են գրախոսվող յոթ հոդվածներ, կոնֆերանսի բազմաթիվ ելույթների համառոտագրեր և պոստեր-պրեզենտացիաներ՝ նպաստելով Հայաստանում առողջապահության ստանդարտների մակարդակի բարձրացմանը և աջակցելով ընդհանուր բժշկական համայնքին։

Նեոնատալ բժշկության հայկական ասոցիացիայի հետ ստեղծված մեր գործնական վերապատրաստման ծրագրի միջոցով նեոնատալ բուժքույրերն անցնում են ապացուցահեն բժշկության վերաբերյալ համապարփակ վերապատրաստումներ, ձեռք են բերում կարևոր հմտություններ: Այս մասնագիտացված փորձառությունը բարելավում է պացիենտների ելքը և այս մասնագետների խնամքի տակ գտնվող նորածինների համար ապահովում առավել անվտանգ պայմաններ։